Sunday, June 06, 2010

Aurora at Night

Isang gabi ay napagdesisyunan namin ng partner ko na mag-overnight nalang sa isang motel sa may cubao dahil medyo late na at wala kaming matutuluyan. Kaya naman sinilip namin ang motel na madalas namin tinutuluyan, mura kasi at hindi naman madumi ang mga kwarto, ngunit dahil weekend noon at napakadaming gustong mag-check in ay nahirapan kaming makakuha ng kwarto, kaya naman naisipan namin na tumingin nalang sa iba pang motel, at sa aming paglalakad ay nasaksihan namin ang mga nagaganap sa kalye ng Aurora blvd. tuwing gabi.

Mistulang "Meat Market" pala ang Aurora blvd tuwing gabi, nagkalat ang mga pokpok, lalaki at babae at syempre ang mga bugaw nila. May mga lalaking nakatayo lang sa isang banda na akala mo ay naghihintay lamang ng masasakyan, yun pala ay customer ang hinihintay, siguradong lalapitan at kakausapin ka nito kapag tumitig ka sa kanya. Mayroon din mga babaeng nag-aalok ng mga pokpok na babae para sa panandaliang aliw, karamihan sa mga babaeng pokpok na nakita namin ay talagang mga bata pa, siguro ang iba dito ay minor de edad, kadalasan naman ang mga bugaw ay matatanda na. Sa aming paglalakad ay madami kaming nakasalubong na nagaalok ng babae, hindi nalang namin pinapansin. Ilang oras na kaming palakad-lakad at ilang motel na din ang napagtanungan namin ngunit palaging puno, kung mayroon naman available ay sa motel na pagkamahal-mahal, malapit na kaming mawalan ng pag-asa ngunit hindi kami tumigil ng partner ko, naisip namin na subukan balikan ang suki namin na motel at baka sakaling may kwarto na at sa kabutihan palad ay tumama nga kami, may available ng kwarto at doon lang kami nakapagpahinga at nagpalipas ng gabi.

Siguro hindi na talaga mawawala sa mundo ang pagbebenta ng laman, kahit nga panahon pa ni Kristo ay mayroon ng ganito. Nakakaawa lang talaga yung mga minor de edad at pati sila ay napupunta sa landas na hindi tama. Siguradong hindi din nila gusto ang ginagawa nila kung may ibang paraan lang na mapagkukuhanan sila ng pera.

No comments: