Pagbigyan na naman sana ako

Sabi nila kapag sunod sunod daw na may nangyayari sa iyong hindi maganda, ibig sabihin may magandang paparating sa buhay mo. Ngunit bakit ganun, noon pa sunod sunod ang hindi magagandang nangyayari sa akin pero hanggang ngayon ay wala pa din akong nararamdaman na magandang nangyayari sa buhay ko.

Ilang buwan na ang lumilipas, ilang beses na akong nag-aapply ng trabaho at hanggang ngayon ay wala pa din akong nakukuhang trabaho? ano bang problema sa akin? bakit palagi nalang hindi ako natatanggap... bakit ganun? bakit nangyayari ito sa akin. Ang bigat bigat na sa dibdib, gulong gulo na ako. Minsan naiisip ko tuloy na parang sinasadyang mangyari ito sa akin.

Hiyang hiya na ako sa partner ko na tuwing lalabas nalang kami ay siya ang sumasagot. Hiyang hiya na ako sa kanya na tuwing kakapusin ako sa pera ay nanghihiram ako sa kanya. Hiyang hiya na ako sa pamilya ko na tuwing uuwi nalang ako ay maduming damit ang pasalubong ko sa kanila. Hiyang hiya na ako sa sarili ko na parang wala na akong maipagmalaki.

Gusto ko ng magkaroon ng trabaho na siguradong magtatagal ako at sasaya ako. Yun lang ang nakikita kong pinakamalaking problema na hinaharap ko sa kasalukuyan...Putangina naman, sana naman mapagbigyan na ako sa mga hinihiling ko.

Palimos ng Puhunan

Ilang araw na naman akong nawala sa bahay namin, halos isang linggo, ubos na naman ang kinita ko noong nakaraang miyerkules at sabado, wala na naman akong maiuuwi sa pamilya ko kundi maduduming damit.

Wala na naman nangyari sa mga inaplayan ko, bakit ba ganun. haaay gusto ko ng bisnes kaso wala naman puhunan. palimos nga ng puhunan diyan? hehehe!